Ish-Kryeministri Sali Berisha, nga Shkodra teksa ka prezantuar kandidatin atje Bardh Spahin, ka hedhur akuza të forta ndaj deputetit socialist Rrahman Rraja. Ai ka treguar se djali i Rrahman Rrajës e kërcënoi Lulzim Bashën që të mos shkonte më në Fushë- Krujë.
Sipas, ish-kryeministrit, kjo ishte dhe arsyeja që Basha nuk bërë fushatë elektorale në Fushë-Krujë. “I thotë në Fushë-Krujë, i biri i një krimineli në parlament Rrahman Rrajës, mos guxo të dukesh më në Fushë-Krujë, në mënyrë absolute nuk shkoi për të bërë fushatë në Fushë- Krujë. Më vjen kryetari i partisë dhe më thotë: Kam shkuar tre herë e i kam thënë o zotëri që duhet të vish mos me na ulë kokën, se tjerët thonë se nuk vjen se e ka kërcënuar i biri Rrahman Rrajës. Nuk shkoi”, u shpreh Berisha. Ndërsa ka deklaruar se këto tregojnë që Basha mbahet peng nga Rama.
Discussion about this post