E kërcënoi me armë për t’i vjedhur para, kapet 25-vjeçari

Është kapur brenda 12 orëve, Everest Shala, i cili vodhi një shumë parash në një market me ushqime në Qerret të Kavajës. Mësohet se 25-vjeçari dhe identifikuar dhe arrestuar nga policia e qytetit. Ndërkohë, po vijon puna për dokumentimin e plotë ligjor të këtij rasti.

Njoftimi i policisë:

Policia identifikon, kap dhe arreston brenda 12 orëve, autorin e vjedhjes nën kërcënimin e armës, të një shume parash, në një market.

Falë reagimit në kohë, inteligjencës policore dhe veprimeve profesionale hetimore u identifikua, u kap dhe u vu në pranga 25-vjeçari, banues në Qerret.

Menjëherë pas njoftimit për vjedhjen me armë, të një shume parash, rreth orës 18:40, të datës 29.02.2024, në një market me ushqime, në Qerret, shërbimet e Komisariatit të Policisë Kavajë kanë kryer veprimet e nevojshme hetimore dhe procedurale për të identifikuar autorin e rastit.

Si rezultat i këtyre veprimeve, këqyrjes së kamerave dhe punës së inteligjencës policore, brenda 12 orëve, u identifikua, u kap dhe u vu në pranga autori i dyshuar i rastit, shtetasi Everest Shala., 25 vjeç, banues në Qerret.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.