Kombëtarja e Arabisë Saudite, e cila ka mundur të kualifikohet dhe do të marrë pjesë në Botërorin e Katarit, ka nisur që tani përgatitjet për kompeticionin më të madh në glob.
Dy skuadrat e zgjedhura për të luajtur ndeshje miqësore janë Maqedonia e Veriut dhe Shqipëria.
Ditën e djeshme trajneri i Maqedonisë së Veriut, Blagoja Milevski, zbuloi në konferencë se ka dashur të grumbullojë disa lojtarë, mes tyre edhe Bekim Rexhepin, gardianin e “demave”, por nuk ka mundur për shkak se disa klube kanë pasur ndeshje në kalendar dhe nuk kanë dashur që t’u largohen lojtarët.
Nga ajo që mëson “Panorama Sport”, në adresë të Partizanit nuk ka mbërritur asnjë shkresë zyrtare për të kërkuar angazhimin e Rexhepit në kombëtaren fqinje.
Gjithsesi, burime pranë klubit bëjnë me dije se palët kanë pasur kontakte jozyrtare, ku trajneri Milevski ka negociuar angazhimin e Rexhepit.
Discussion about this post