Një 30-vjeçar është arrestuar ditën e sotme nga policia në Muriqan, për llogari të drejtësisë suedeze. Në pranga është vënë Bindi Agolli , 30 vjeç, banues në Kosovë.
I riu ishte shpallur në kërkim ndërkombëtar, pasi Gjykata e Jonkoping në Suedi, me vendimin e datës 29.04.2021, e ka dënuar këtë shtetas me 2 vite e 4 muaj burgim, për veprat penale “Mashtrimi”, “Heqja e paligjshme e lirisë”, “Vjedhja” dhe “Shkelja e ligjit për narkotikët”.
Gjithashtu, së fundmi janë vënë re kontrolle të shtuara në pikat kufitare, me qëllim kapjen e personave në kërkim kombëtar dhe ndërkombëtar.
“Vihet në pranga një shtetas i shpallur në kërkim ndërkombëtar. Shërbimet e PKK Muriqan, si rezultat i kontrolleve të shtuara, me qëllim kapjen e personave të shpallur në kërkim kombëtar dhe ndërkombëtar, bënë kapjen dhe arrestimin provizor, me qëllim ekstradimin drejt Suedisë, të shtetasit: Bindi Agolli , 30-vjeçar, banues në Kosovë. Ky shtetas ishte shpallur në kërkim ndërkombëtar, pasi Gjykata e Jonkoping/Suedi, me vendimin e datës 29.04.2021, e ka dënuar këtë shtetas me 2 vite e 4 muaj burgim, për veprat penale “Mashtrimi”, “Heqja e paligjshme e lirisë”, “Vjedhja” dhe “Shkelja e ligjit për narkotikët”, parashikuar nga Kodi Penal i Suedisë.”
Për më tepër, materialet iu referuan Prokurorisë pranë Gjykatë së Shkallës së Parë Shkodër, për veprime të mëtejshme, me qëllim ekstradimi në shtetin suedez.
Discussion about this post