Kosova regjistroi një barazim të artë në frymën e fundit ndaj Zvicrës në duelin e vlefshëm për kualifikueset e Europianit 2024. Ndeshja e zhvilluar sonte në stadiumin “Fadil Vokrri” përfundoi me rezultatin 2-2.
Pas ndeshjes me fjalë zemre foli edhe Xherdan Shaqiri, i cili ndër të tjera u shpreh: “Ishte kënaqësi të isha këtu. Ka qenë ëndërr për mua të luaja këtu, në ‘Fadil Vokrri’. Stadiumi ka një emër të madh. Fadilin e kam njohur, kam qenë i ngushtë me të. Kurrë s’kam për ta harruar këtë ndeshje.
Sonte ishte diçka speciale. Terreni nuk ishte i mirë. Ka qenë vështirë të luaje në këtë terren. Por, edhe Kosova ka kualitet, e dimë. Ka lojtarë që munden të bëjnë diferencën. Kështu ndodhi sonte”, deklaroi Shaqiri.
Ndoshta e vetmja pyetje që mund t’i bëhet është “Mqs e kishe ëndërr të luaje në ‘Fadil Vokri’, pse nuk pranove të përfaqësoje Kosovën pas vitit 2016?”.
Discussion about this post