Policia e Beratit ka vënë në pranga ditën e sotme një 33-vjeçar i cili zhvillonte aktivitet të lojërave të fatit online në lokalin e tij. Mësohet se në pranga ka rënë K.K., 33 vjeç banues në Berat, pasi gjatë kontrollit në ambientet e lokalit në pronësi të tij u konstatua se viheshin baste sportive online. Në lokal janë gjendur edhe disa persona, të cilët po vendosnin bast online.
Policia bën me dije se në cilësinë e provës materiale u sekuestruan 2 aparate celular, të cilët dyshohet se përdoreshin për ushtrimin e aktivitetit të lojërave të fatit ndërsa materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
Pavarësisht se prej kohësh qeveria i ka nxjerrë si të paligjshëm lojërat e fatit dhe pikat e basteve në të gjithë vendin, këto aktivitete vazhdojnë të zhvillohen online në mënyrë të fshehtë.
Discussion about this post