E konfirmuar, Mirel Josa nuk është më trajner i Laçit

Mirel Josa nuk do të jetë më trajner i Laçit, pas humbjes së pësuar një ditë më parë me Partizanin në duelin përmbyllës të fazës së tretë.

Ka qenë vetë klubi i Laçit që e ka njoftuar diçka të tillë përmes rrjeteve sociale. “KF Laçi njofton se ka ndërprerë bashkëpunimin me trajnerin Mirel Josa.

E falënderojmë profesorin për bashkëpunimin dhe angazhimin e tij në këtë 6 muaj dhe i urojmë suksese në vazhdim!”, njofton klubi bardhezi, që renditet në vendin e dytë në kampionat edhe për meritë të Josës që e mori drejtimin e Laçit në tetor.