Manchester United është i vetmi ekip anglez që ka fituar (1999) “tripletën” e trofeve, një nga shtatë skuadrat evropiane që e kanë bërë këtë.
Të shtunën (16:00) në “Wembley”, ajo do të përpiqet të mbrojë veçantinë e arritjes së saj, kur në finalen e FA Cup do të përballet me kampionët e Anglisë, Manchester City.
Skuadra e Pep Guardiolës, nga ana tjetër, do të tentojë hapin e dytë në rrugën drejt “trisit”, përpara atij të tretë dhe të fundit një javë më vonë (10/6), në finalen e Champions League kundër Interit në Stamboll.
“Dua të fitoj”,- tha trajneri holandez i Manchester United, Erik Ten Hag sot në konferencën e tij për shtyp për ndeshjen e nesërme. “Dhe për ta bërë këtë, ne duhet t’i ndalojmë ata. Duhet të japësh gjithçka për të fituar Kupën. Kemi një mundësi të madhe dhe duam ta shfrytëzojmë. Ne luftuam shumë për të arritur në finale dhe të luajmë me Cityn e bën më të mirë.
🗣️ "We deserve to be in the #FACup final."#MUFC
— Manchester United (@ManUtd) June 2, 2023
Jemi në një fazë zhvillimi, rruga që kemi ndjekur është padyshim e duhura. Në verë do të jetë e rëndësishme të vazhdoni në këtë rrugë. Sepse qëllimi është dhe mbetet ta kthejmë këtë klub aty ku meriton”,- shtoi Ten Hag, i cili për përfshirjen e Anthony theksoi: “Nuk ka gjasa, ka ende një shans, por është me të vërtetë një shans i vogël. Ai nuk ka bërë asnjë përparim. Ai ka ende një shans, por mendoj se nuk ka gjasa që ai të jetë i disponueshëm”.
I pyetur më pas nëse kjo është ndeshja më e rëndësishme e karrierës së tij, trajneri holandez u përgjigj: “Nuk e di. Unë kam luajtur edhe të tjera. Është padyshim një ndeshje e rëndësishme, por nuk dua të gjykoj se cila është ndeshja më e rëndësishme”.
Discussion about this post