E kthyen lokalin në pikë konsumi droge, prangosen administratori dhe 2 kamerierët e biznesit në Kurbin

Tre persona janë vënë në pranga në Kurbin për prodhim dhe shitje narkotikësh. Burimet bëjnë me dije se ata  kishin kthyer lokalin në pikë ku shitej dhe konsumohej drogë. Sakaq, pas kontrolleve të ushtruara në një lokal në fshatin Zejmen, policia gjeti doza të dyshuara me kokainë. Pas kontrolleve janë vënë në pranga  shtetasi K. P., 41 vjeç, banues në Zejmen, administratori i lokalit, si dhe A. A., 24 vjeç, banues në Lezhë dhe S.S., 55 vjeç, banues në Milot, kamerierë në lokal.

Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme, për veprat penale “Prodhimi dhe shitja e lëndëve narkotike” dhe “Përshtatja e lokaleve për përdorimin e lëndëve narkotike”. Ndërsa po punohet për të gjetur grupet nga të cilat këta persona sigurimin drogën.