Një 40-vjeçar shqiptar ka torturuar të shoqen e saj në shtëpinë ku bashkëjetonin, në Bolzano të Italisë. Mediat italiane bëjnë me dije se episodi daton 10 ditë më parë, kohë kur shqiptari e ka lidhur gruan në karrige dhe e ka torturuar për dy orë me një thikë në dorë të cilën ia ka drejtuar disa herë në gjoks. Ai nuk e ka qëlluar, megjithatë ka lënë shenja në lëkurë e saj.
Pas përkeqësimit të gjendjes së saj, shqiptari e ka dërguar gruan në spital për ndihmë mjekësore. Ajo u ka thënë mjekëve se ishte dëmtuar pasi kishte rënë nga biçikleta.
Policia dyshoi në variantin e gruas dhe menjëherë nisën hetimet. Ajo i rrëfeu grupit hetimor se ishte keqtrajtuar nga i shoqi. Policia ka bërë të mundur arrestimin e tij. Megjithatë ai ka mohuar gjithçka, duke deklaruar se ajo ka shpikur çdo gjë nën efektin e lëndëve narkotike.
