Kreu i grupit të këshilltarëve të Partisë Demokratike në Këshillin Bashkiak të Tiranës, Dorian Teliti deklaroi se të martën do të ketë një votim unanim për shkarkimin nga detyra të kryebashkiakut të burgosur për një sërë akuzash të rënda, Erion Veliaj.
Në një intervistë për “Ora Neës”, Teliti theksoi se në mbledhjen e ardhshme të Këshillit Bashkiak opozita do të bashkojë votat e saj me mazhorancën për shkarkimin dhe firmosjen e fundit politik të Veliajt.
“Normalisht procedura është e qartë në këto raste: çdo veprim apo vendim do të dhet të paraprihet nga fjala e çdo anëtari të Këshillit që ka dëshirë të diskutojë. Opozita ju siguroj që është në gatishmëri për të kryer detyrën e saj.
Procedura parashikon që kryetarit aktual i duhet dhënë e drejta e fjalës. Ajo që kërkojmë ne është që të jetë një mbledhje ligjore dhe çdo kush të ketë të drejtën e fjalës.
Nëse nga ana e mazhorancës do të ketë një nismë për të ndaluar të drejtën e fjalës dhe për të kaluar direkt në votim, kjo do të jetë akt që do t’i ngarkohet atyre për mungesën e transparencës totale që vijon prej më shumë se dy vitesh.
Ne jemi gati për zhvilluar një debat të hapur për dëmet që i shkaktuar Erion Veliaj Tiranës dhe për çfarë akuzohet Erion Veliaj, dhe patjetër që po jemi të gatshëm të ngremë kartonat tanë për shkarkimin e Erion Veliajt, pasi kjo është një kërkesë e hershme e jona, pasi dëmet që ka shkaktuar ai në krye të Tiranës janë marramendëse dhe të pallogaritshme”, u shpreh ndër të tjera Dorian Teliti.
Discussion about this post