Produksioni po kujdeset në detaje për finalen e madhe të së premtes, kështu që u vendos që “Big Brother VIP” të mos transmetohet këtë të martë, pasi duhet kohë për t’u përgatitur.
Top Channel ka hartuar një plan të mirë për zëvendësimin e orëve Prime në televizion për të martën. Në vend të “Big Brother VIP” do të zhvillohet emisioni “Fan Club”.
Në këtë formë, drejtuesit nuk do të lodhen duke u angazhuar ‘live’. Ky emision nuk do të jetë i drejtpërdrejtë. Do të regjistrohet një ose dy ditë përpara.
Më 18 shkurt, të premten që vjen, do të jetë finalja e madhe. Deri atëherë jemi kurioz për atë që do të ndodhë pasnesër, më 14 shkurt, pasi do jetë Shën Valentini i parë në shtëpi.
Tashmë zyrtarisht finalistë janë aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.
Kujtojmë që formati i “Big Brother VIP” u rikthye pas katër vitesh dhe për herë të parë pjesë e tij u bën personazhe të njohura.
Discussion about this post