Fredi Krasniqi që u arrestua ditën e djeshme në Shijak për shtëpinë e barit ka refuzuar të flasë para autoriteteve. Mësohet se 46-vjeçari ka deklaruar para policisë se arrin që ta mbajë burgun dhe se ka vendosur që pjesëtarët e tjerë të grupit kriminal që janë të përfshirë nga trafikun e lëndëve narkotike të mos i dorëzojë.
“E mbaj burgun”, raportohet të ketë thënë 46-vjeçari. Nga operacioni i policisë është shpallur në kërkim dhe vëllai i Fredit, Selman Krasniqi, i cili ishte bashkëpunëtor në shtëpinë e barit, e hapur në vilën 4 katëshe. Mësohet se 43-vjeçari nuk ndodhet fare në Shqipëri, por është larguar drejt Italisë.
Ditën e djeshme në dy katet e fundit të një vile 4 katëshe në fshatin Sallmone, u sekuestruan nga policia 444 rrënjë kanabis, si edhe një arsenal armësh që dyshohet se përdoreshin nga grupet kriminale.
Në banesë është gjetur edhe një arsenal armësh, 10 kallashnikovë, 1 pushkë, 1 automatik dhe granata, të cilat dyshoheshin se përdoreshin nga grupet kriminale.
Discussion about this post