Ersida Dyrmishi, 30 -vjeçarja e shpallur e zhdukur nga familjarët e saj prej një javë është gjetur fatmirësisht. Sipas bluve, e reja nënë e dy fëmijëve në Durrës, është mbajtur peng nga një person i cili e ka abuzuar seksualisht për ditë të tëra në hotel.
32-vjeçari nga Lushja ka abuzuar seksualisht me nënën e dy fëmijëve, duke e kanosur për jetën e familjarëve të saj. 30-vjeçarja është mbajtur me forcë në një hotel në periferi të Durrësit, deri ditën e djeshme kur edhe ka mundur të shpëtojë.
Dyrmishi punonte në një Call Center në qytetin e Durrësit, dhe kishte humbur kontaktet me familjen që prej të hënës së 25 Korrikut.
“Specialistët për Hetimin e Krimeve në Komisariatin e Policisë Durrës arrestuan në flagrancë, për veprat penale “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”, shtetasin M. M., 32 vjeç, banues në Lushnjë, i dënuar më parë për veprën penale “Heqja e paligjshme e lirisë”.
Arrestimi i këtij shtetasi u bë pas kallëzimit të shtetasve T. D., 36 vjeç dhe E. D., 30 vjeç (bashkëshortë), banues në Durrës, të cilët mbrëmjen e djeshme kanë denoncuar se shtetasi M. M. i ka hequr lirinë në mënyrë të paligjshme shtetases E. D., duke e mbajtur me forcë për disa ditë në një hotel, e ka detyruar për të bashkëjetuar dhe ka kryer marrëdhenie seksuale me dhunë me të, nën kërcënimin e një thike dhe duke e kanosur për jetën e familjarëve të saj.
Shtetasja E. D. ishte shpallur e humbur, pasi më datë 25.07.2022, në Komisariatin e Policisë Durrës, bashkëshorti i saj, shtetasi T. D. ka kallëzuar se ajo ishte larguar nga banesa dhe nuk ishte kthyer më.
Materialet i kaluan Prokurorisë, për veprime të mëtejshme.”-njofton policia.
Discussion about this post