Papërgjegjshmëria dhe mos kryerja e detyrës së Erion Vleiajt si kryebashkiak kanë bërë që sot ta provoj edhe kryeministri së si është të ngecësh në trafik.
Teksa ishte rrugës për në punë, ai dhe eskorta e tij janë bllokuar në trafikun e krijuar nga shiu që “paralizoi” pjesën më të madhe të rrugëve të Tiranës.
Kryeqyteti është zgjuar mëngjesin e sotëm në kaos, me një trafik të rënduar. Situata paraqitet e njëjtë në të gjitha rrugët dhe kryqëzimet e Tiranës. Në çdo cep të saj ka një varg kilometrik makinash që qarkullojnë me shumë vështirësi.
Sikur trafiku të mos mjaftonte, shqetësim mbetet edhe boritë e makinave në kor. Mes kaosit, vihet re një prezencë shumë e pakët e uniformave të policisë. Megjithatë, sipas Policisë Rrugore, shërbimet janë të shpërndara dhe po punojnë për zhbllokimin e qarkullimit.
Pamjet e publikuara edhe nga qytetarët tregojnë që, vetë Rama ka mbetur në trafik rrugës teksa shkonte për në Kuvend, duke kuptuar kështu edhe “hallet” me të cilat duhet që të përballen të gjithë drejtuesit e mjeteve në Tiranë dhe të shoh sa punon Erion Veliaj për qytetin e tij.
Por jo të gjithë e kanë mundësinë që ta kalojnë trafikun në një mjet luksoz si ai i kryeministrit. Të paktën tani që e kaloi vetë një situatë të tillë, me të cilën qytetarët përballen sa herë bie shi në Tiranë, shpresojmë t’i tërheqë veshin kryebashkiakut.
