E mbushi shtëpinë me plantacione kanabisi, kapet në flagrancë shqiptari në Britani

Një shqiptar ka rënë sot në pranga në Britaninë e Madhe, pasi është kapur duke kultivuar  kanabis në banesën e tij.  Mediat bëjnë me dije se, policia në Calderdale ushtroi një kontroll në një banesë në veri të Halifax javën e kaluar, ku zbuloi bimë kanabisi, pas gjurmimeve të përditshme.

Mediat e huaja raportojnë se me të hyrë në këtë pronë, oficerët gjetën një shtetas shqiptar duke u kujdesur për një numër të madh bimësh kanabisi, rreth 150, të cilat ishin në faza të ndryshme rritjeje. Po vijojnë hetimet për mënyrën sesi shtetasi shqiptar ka ardhur në Britani, ndërsa nuk bëhet i ditur identiteti i të arrestuarit.