Portieri i Kombëtares shqiptare, Thomas Strakosha pritet që të bashkohet me ekipin e Newcastle.
Të paktën kështu raporton prestigjiozja britanike ‘The Sun’, e cila më tej shton se sheikët e pëlqejnë gardianin e portës ‘Kuqezi’ dhe pritet që ai të kalojë në klubin e Premier League gjatë merkatos së janarit.
Rikujtojmë se kontrata e Strakoshës me Lazion përfundon verën e vitit të ardhshëm dhe drejtuesit e Newcastle shpresojnë që të arrijnë një para-kontratë që në janar dhe më pas do i bëjnë dhe një ofertë Lazios në mënyrë që ta afrojnë shqiptarin sa më shpejt të munden.
Një gjë e tillë do i pëlqente 26-vjeçarit, duke ditur se ky është sezoni i dytë që ai ka humbur rolin e titullarit te klubi italian, duke luajtur vetëm në ndeshjet e Europa League këtë sezon.
Rikujtojmë se Strakosha është pjesë e Lazios që nga fëmijëria, i cili fillimisht luajti për skuadrën U-19, pastaj që nga viti 2016 është pjesë e ekipit të parë.
Thomas Strakosha ka luajtur në plot 179 ndeshje me fanellën e Lazios dhe 16 ndeshje me Kombëtaren shqiptare./K.T/Gijotina.com
Discussion about this post