Almeda Abazit dhe aktori i njohur turk, Tolgahan Sayisman, janë tashmë prindër të dy fëmijëve, por mesa duket edhe lindja e vajzës nuk paska qenë e lehtë për modelen.
Bukuroshja shqiptare ka ndarë me publikun një video në ‘YouTube’, ku rrëfen ndër të tjera edhe për dorëzimin e Tolgës, pas kësaj shtatzënie të vështirë.
“Shtatzënia me Efen ishte më e lehtë, por me Alinën jo. Nuk dilja dot nga shtëpia për shkak të pandemisë. Më përzihej, doja të flija gjithë kohën, kisha rrathë të zinj poshtë syve, u shëmtova shumë” – thotë Almeda.
Almeda zbuloi edhe se Tolga kishte dëshirë të kishin edhe një fëmijë të tretë, por pas vuajtjeve të saj për plot 16 orë para lindjes së Alinës, ai hoqi dorë nga kjo kërkesë shkruan Class.
“Tolga po mendonte për një fëmijë të tretë, derisa pa lindjen e Alinës. Më tha ‘më vjen keq për ty, nuk do të të lodh më, e mbyllim historinë e fëmijës së tretë”, shton Almeda.
