“E meritojnë prej kohësh”/ Liberalizimi i vizave në Kosovë, vjen mesazhi i veçantë nga Gjermania

Deputeti gjerman i Bundestagut Thomas Hacker ka mbështetur procesin e liberalizimit të vizave për Kosovën. Sipas tij, presidenca çeke në Bashkimin Evropian është duke bërë gjënë e duhur që e përkrah këtë hap.

Hacker u shpreh se raporti i Komisionit Evropian nuk duhet të çojë në diskutime të tjera të pafundme.

Në fund, deputeti gjerman ka thënë se Kosova ka kohë që e meriton heqjen e regjimit të vizave.

“Është gjëja e duhur që Presidenca Çeke e Këshillit të BE-së po i përkushtohet kësaj teme. Megjithatë, raporti i Komisionit Evropian nuk duhet të çojë në diskutime të mëtejshme dhe të pafundme. #Kosova e ka merituar liberalizimin e vizave shumë kohë më parë.”, ka shkruar Hacker.