E mitura në Tiranë denoncon në polici: Një burrë me përndjek dhe kryen veprime të turpshme

Një tjetër rast përndjekjeje është denoncuar në Policinë e Tiranës nga një e mitur.

Burimet policore bëjnë me dije se është proceduar penalisht një shtetas që akuzohet për përndjekjen dhe kryerjen e veprimeve të turpshme ndaj një vajze të mitur.

“Specialistët për Hetimin e Krimeve në Komisariatin e Policisë Nr. 4 referuan materialet në Prokurori dhe nisi procedimi penal në gjendje të lirë për shtetasin H. D., pasi dyshohet se ka përndjekur një shtetase të mitur dhe ka kryer veprime të turpshme ndaj saj”, thuhet në njoftimin e policisë.

Pritet të zbardhen detaje pas marrjes në pyetje të të miturës.