Në këto momente është duke u zhvilluar mbledhja e Grupit Parlamentar të Partisë Socialiste, ku do të bëhet një dëgjesë publike me zonjën Klotilda Bushka. Gjatë fjalës së tij Kreu i PS, Edi Rama, duket se ka ulur tonet e ashpra ndaj institucioneve të drejtësisë në krahasim me ditën e djeshme.
AI sot shprehet se mbështesin qëndrimin e drejtësisë së re, por ndaj Klotilda Bushkës ka vepruar jo sipas rregullave, duke thënë se ajo as nuk u pyet as nuk u vu në dijeni për hetimet. Madje me ironi ai theksoi se Bushka e ka marrë vesh lajmin për hetimin dhe kërkesën për masën ndaj saj përmes mediave. Duke hedhur kunja ndaj gazetarëve. “ E kemi pranuar për faktin se të gjithë jemi në një farë mënyre të befasuar që kryetarja e Komisionit të ligjeve është nën hetim ndërkohë që kryetarja e komisionit e ka marrë vesh faktin nga televizori.
As nuk është thirrur as nuk është pyetur apo dëgjuar versioni i saj. Tani përpara se t’ia kaloj fjalën dua të bëj të qartë që qëndrimi ynë lidhur me mbështetjen pa rezerva të çdo procesi të drejtësisë që bëjnë luftë pa kompromis kundër korrupsionit mbetet e pandryshuar. Ndryshon vetëm ajo që ne kemi detyrën të kontribuojmë jo vetëm me mbështetjen e padiskutueshme institucionale me opinionet tona në mënyrë që pavarësia e panegociueshme e prokurorëve dhe gjykatësve të jetë sa më e lidhur me profesionalizmin dhe garantimin e standardeve demokratike të çdo procesi. Në të kundërt ne biem në një situatë që ngjan më shumë me të shkuarën se sa me të ardhmen, sepse diktaturë apo republikë hetuesish kemi pasur në të shkuarën.Ajo as nuk u pyet as nuk u vu në dijeni cfarë mbanë dosja qindra faqëshe, por e mori vesh nga mediat nga disa gazetar special. Se ne kemi Gjykatë Specialë, Prokurori Speicale, por kemi edhe disa gazetar special”
Discussion about this post