Selaniku është tronditur këtë mëngjes nga një ngjare e rëndë e raportuar. Mediat greke bëjnë me dije se, një e moshuar është vrarë nga i biri mbrëmjen e shkuar dhe sot është gjetur në banesë trupi i saj i pajetë.
Pak më vonë pasi policia filloi hetimet ndaj kësaj ngjarje makabre 52-vjeçari u paraqit në polici ku pranoi aktin e rëndë dhe u vu në pranga. 84-vjeçarja jetonte me djalin e saj dhe sipas informacioneve kishte probleme me lëvizjen dhe shikimin. Sa i përket të birit, sipas raportimeve, djali i të moshuarës po përballet me probleme psikologjike. Sakaq, nuk dihet shkaku që çoi djalin të marrë këtë akt të rëndë, por ai ka thënë se ishte në gjendje të dehur dhe në debat e sipër ka qëlluar nënën e tij.
Discussion about this post