Rastet e dhunës ndaj personelit mjekësor sa vijnë edhe rritën. Të tilla ngjarje ndodhin më së shumti në vendin tonë, por ditën e sotme është regjistruar një rast dhunë ndaj mjekëve në Palermo.
Mësohet se ditën e sotme ka humbur jetën një grua në urgjencën e Palermos, pasi ishte dërguar vonë dhe në gjendje të rënduar nga familja. E moshuara kishte pësuar një infarkt dhe pavarësisht ndërhyrjes së mjekëve, gruaja 70-vjeçare ka ndërruar jetë në ambientet e urgjencës.
Kur u është dhënë lajmi, familjarët e gruas kanë goditur dhe shkatërruar gjithçka që u ka dalë para. “Jemi bërë dëshmitarë të skenave far-west”, kanë treguar mjekë dhe infermierë. Kanë shkatërruar dhe sjellë dëme prej mijëra eurosh, si dhe kanë hedhur sende të forta drejtë mjekëve që kishin nën mbikëqyrje të moshuarën.
Për të qetësuar familjarë dhe ndaluar shkatërrimet e mëtejshme është dashur ndërhyrja e dhjetëra karabinierëve, të cilët i kanë bllokuar dhe denoncuar dëmtuesit e pronës publike.
Discussion about this post