Një ngjarje e rëndë ka ndodhur sot në qytetin e Fierit, ku ka humbur jetën një e moshuar. Një grua 67-vjeçe ka ndërruar jetë për shkak të të ftohtit ekstrem me temperaturat që shkonin deri në -17 gradë. Bëhet me dije se viktima quhet Liljana Sema, e cila jetonte e vetme në fshatin Ferras.
Komisioneri për Mbrojtjen nga Diskriminimi ka reaguar pas vdekjes së 66-vjeçares.
Komisioneri për Mbrojtjen nga Diskriminimi thekon se ndërprerja e energjisë elektrike ndaj familjeve të varfra është diskriminim. Ata i bëjnë thirrje Këshillit të Ministrave që miratojë sa më shpejt “Statusin e Klientit në Nevojë”.
Po ashtu në deklaratë KMD shprehej se: “Mosgarantimi i energjisë elektrike për personat dhe familjet e pamundura ekonomikisht cenon dinjitetin e tyre duke i mohuar të drejtën për shëndet, të drejtën për strehim, të drejtën për arsim, të drejtën për informim, të drejtën për të qenë qytetarë me të drejta të barabarta.KMD i bën thirrje Këshillit të Ministrave që miratojë sa më shpejt “Statusin e Klientit në Nevojë” si një e drejtë tashmë e njohur me Ligj.Gjithashtu, i bën thirrje OSHEE dhe të gjitha agjensive përbërëse të saj që të mos ndërpresin energji elektrike në asnjë moment dhe të garantojnë furnizimin me energji elektrike në çdo moment për të gjitha familjet e pamundura pa diskriminim.”
Discussion about this post