Dëshmitarët e zjarrit në pallatin në Astir janë marrë në pyetje në gazetarët dhe hetuesit, për të zbardhur detaje mbi ngjarjen.
Një e moshuar ka deklaruar për mediat se nuk do të kishte shpëtuar e gjallë nga zjarri në Astir, nëse nuk do ishte për nusen e saj. Gruaja e cila u shpëtoi flakëve të zjarrit deklaroi se kanë dëgjuar shpërthime e britma të qytetarëve e fëmijëve.
“Shpëtuam, dolëm të parët, u strehuam te një i njohuri jonë. Kishin shumë probleme, britmat e fëmijëve i kam dëgjuar, më mirë mos t’i kisha pa. Nuk kam parë zjarrfikëse. Po kishte shpërthim, krisëm. Nuk e kam dëgju, e ka dëgju nusja, ajo më çoi mua. Për vete isha djeg aty, shyqyr më nxori nusja. Kanë dëgjuar krisëm, për sa nuk e di”, tha një e moshuar.
Zjarri që u vu në orët e para të mëngjesit në garazh dëmtoi katër makina dhe la të plagosur tetë persona. Të lënduarit kanë marrë ndihmën e nevojshme mjekësore në spital dhe janë larguar për në banesat e tyre, pasi ndodhen jashtë rrezikut për jetë. Paraprakisht është raportuar se qëllimi i personave që kanë vënë zjarrin ka qenë të djegin një makinë, por situata u ka dalë jashtë kontrollit.
Discussion about this post