Liljana Sema është 67-vjeçarja që kishte tre ditë që kishte ndërruar jetë nga i ftohti kur u gjet e pajetë nga vëllai i saj Baçi Gjoleka mbrëmjen e djeshme në Fier. E moshuara ndërroi jetë nga i ftohti ekstrem që pushtoi vendin këto ditë, pasi OSHEE i kishte ndërprerë energjinë elektrike duke e lënë viktimë në mëshirë të fatit.
Kryeministrit Rama i është përmendur ky rast nga një komentues në komente në rrjete sociale ndërsa propagandonte “Këshillimin Kombëtar”. Megjithëse kjo nuk pati vlerë, pasi kryeministri e ka treguar shpesh se “nuk e vë ujin në zjarr” për hallet e popullit, ndërsa u kujdes të ironizonte duke i thënë se duhet të informohet nga kanale të tjera komunikimi.
Komentuesi: Prsh z.kryeministër nuk ka ardhur koha për gjera pa vlerë por shiko hallet e popullit ….. si shembull po ju përmend rastin që e lexova sot. Një zonje nga Fieri paska ndërruar jetë nga i ftohti arsyeja është sepse ju ka kishit prerë dritat ajo jetonte vetëm…… këto shiko e jo gjera pa vlerë.
Rama: Kurse unë mendoj te shikosh me vëmendje kanalet ku informohesh, sepse ka infeksione të mëdha nëpër rrjedhat e tyre dhe bëhet njeriu të flasë me vete nga ato që lexon e dëgjon, ndërsa pyetësori është pikërisht për hallet e popullit, kështu që hidhi një sy dhe jepe opinionin tënd në linkun https://keshillimikombetar.al/
Të afërmit u shprehen se e ndjera jetonte në kushte shumë të vështira dhe se mblidhte kanaçe për të mbijetuar. Ata pretendojnë se 66-vjeçarja i kishte paguar dritat deri në muajin dhjetor, e megjithatë energjia i ishte ndërprerë, duke mos i lënë mundësinë që të kishte qoftë dhe një ngrohëse për të përballuar ditët e acarta që përfshinë vendin, duke akuzuar OSHEE për këtë ngjarje.
Discussion about this post