“Big Brother VIP” ndonjëherë krijon marrëdhënie shumë të forta mes banorëve, por ndonjëherë këto marrëdhënie janë edhe shumë të paqëndrueshme.
Kështu ka ndodhur me lidhjen e ngushtë që ka pasur Fifi dhe Arjola. Kohët e fundit dy konkurrentet kanë pasur një krisje e cila është bërë shumë e dukshme jo vetëm për njerëzit e shtëpisë, por edhe për publikun.
Arjola është ndjerë tepër e zhgënjyer dhe e mërzitur me Fifin për arsye se ajo e kishte çuar atë në nominim. Kjo gjë duket se solli pakënaqësi nga ana e Arjolës ku patën dhe një debat të ashpër mbas spektaklit të kaluar.
Në një bisedë me Monikën ajo është shprehur se e sheh Arjolën si një konkurrente shumë të fortë në këtë shtëpi.
“Unë e ndjej një nga konkurrentet e forta. E dija 100 për qind që Arjolën nuk e nominon njeri prandaj e nominova. Unë s’dal aty dhe të them nuk e nominoj Arjolën se nuk di kë të nominoj. Një nga arsyet ka qenë kjo se e shoh shumë të fortë. Më kishte zhgënjyer një Prime më përpara. Nuk e kam pritur Arjolën të thotë që ajo e ka mbajtur anën time vetëm se më ka pasur shumë mike se po të ishte ndryshe do ishte e kundërta. Nuk i kam thënë me zor njeriu të mbaj anën time. Unë edhe pse jam sqaruar me Semin mendoj që ajo më ka provokuar. Nuk më pëlqejnë aspak këto gjëra. Asaj akoma i vret sqarimi im me Semin,”-tha ajo.
Rikujtojmë se Fifi dhe Arjola kanë qenë shumë shoqe të mira brenda shtëpisë, por së fundmi duket se lidhja e tyre po lëkundet. Ato gjithashtu patën edhe një debat, ku Arjola e ka konsideruar Fifin gjithmonë si “një ndër banorët më të rëndësishëm”, por kjo e fundit ishte zhgënjyer nga aktorja pasi kishte thënë që Fifi po e penalizonte dhe nuk po e linte të afrohej me banorë të tjerë.
Sigurisht që Arjola i mohoi këto akuza, e cila u shpreh se nuk është e vërtetë, pasi ajo ka qenë gjithmonë aty për atë, duke treguar që ka dalë edhe kundra Semit për Fifin.
Discussion about this post