Policia ka shoqëruar në polici administratorin e ri të kompanisë, “Alba Exotic Fruit”, ku u kapën 11 kilogramë kokainë. Bëhet fjalë për personin e identifikuar me emrin Ermal Arapi, i cili pas marrjes në pyetje nga grupet hetimore pritet të zbardhë të tjera detaje për itinerarin e drogës dhe persona të tjerë të cilët dyshohet të jenë përfshirë,
Theksojmë se kjo është hera e 5 që kapet kokainë në kontejnerët e kësaj kompanie, brenda 3 muajve.
Skenari është sërish i njëjtë. Kontejneri vinte nga Ekuadori, ndërsa droga ishte vendosur te kapakët e motorëve frigoriferik.
Që nga 1 prilli i këtij viti e deri më 18 qershor, rezultuan në sekuestrimin e 928 kilogramë kokainë, NË Portin e Durrësit.
