Ende mbetet e pazbardhur historia e vdekjes së Lear Kurtit, pas ndalimit të tij nga policia. Gazetarja Ledjona Xheladinaj në një lidhje në emisionin “Opinion” ka shpjeguar dëshminë e shokut të Learit dhënë në emisionin “Piranjat”. I riu sipas dëshmisë jetonte në të njëjtën banesë me Kurtin dhe kishte shkuar në vendin ku viktima pak minuta para ndalimit nga policia i kishte lënë takim. Më pas, edhe shoku i Learit është shoqëruar në polici.
“Lear Kurti bashkë me shokun e tij të ngushtë jetonin prej 5 muajsh në të njëjtën banese. Ai ka shkuar për ta marr atje ku e kishte lënë, por sikurse ka dëshmuar e ka gjetur të rrethuar nga punonjësit e policisë dhe në gjendjen e pafuqishme që është publikuar edhe në video. Në atë momëent i ka thënë: O noku, njofto dikë se po më mbysin. Dhe në tën njëjtin moment, policia ka kërkuar edhe arrestimin e shokut të Learit.
Kur ka mbërritur në komisariat e ka parë të shtrirë në në korridor, por ky është çuar në një dhomë tjetër dhe ka dëgjuar punonjës të policisë duke thënë: Shpejt, shpejt se po na ikën”, u shpreh gazetarja. Xheladinaj shtoi se sipas dëshmisë së shokut të tij, dy javë më parë Leari ka qenë i shtruar në spital dhe aty ka marr vesh që vuante nga epilepsia.
Discussion about this post