Ky sezon i UEFA Champions League, ka filluar që tani, në fazën kualifikuese, që të dhurojë surpriza.
Një nga ato befasi, që na shtangu jashtë mase, ishte eliminimi i turpshëm, deri diku, i gjigandëve hungarezë të Ferencvaros të Budapestit.
Ish-klubi i Myrto Uzunit, u mposht në kryeqytetin hungarez, me rezultatin 3-0, nga Klaksvik, skuadra kampione e Ishujve Farore, territor i Mbretërisë së Danimarkës, që ka një futboll të nivelit amator.
Kjo humbje bëri që “gjigandët e Budapestit”, t’i japin lamtumirën kompeticionit kryesor europian për klube, që në turin e parë kualifikues, duke zbritur kështu në Conference League.
Ajo që e bën më të pabesueshme disfatën e Ferencvaros, është mënyra ose më saktë minutat se kur janë pësuar golat… të gjithë golat, Klaksvik i realizoi në pjesën e parë.
Discussion about this post