Ylli i futbollit gjerman Lotar Matheus ka folur për uniformën e Diego Armando Maradonës në finalen e Kampionatit Botëror që u zhvillua në Meksikë në vitin 1986.
Fanella është dhënë për një muze që ndodhet në Argjentinë. Ajo u shit para shumë kohësh për një shumë prej 7 milionë paundësh. Maradona e kishte veshur në gjysmëfinalen përballë Anglisë, ndeshje kjo e cila mbahet mend për “Dorën e Zotit”.
Në këtë intervistë, ish-futbollisti gjerman është shprehur se ai nuk do ta shiste kurrë uniformën e mikut të tij, siç e quan Mateus, as për 7 milionë paund dhe se do të vazhdojë të ruajë për një kohë të gjatë.
“Unë kurrë nuk do të marrë një kompliment aq të madh në jetën time. Diego është më i madhi i të gjitha kohërave. Asnjë njeri në botë nuk e ka bërë, çfarë ai ka bërë të mundur në futboll. Ne kemi luajtur në ndeshjet e lamtumirës të njëri tjetrit, por vetëm njëherë në një skuadër së bashku, në ndeshjen e lamtumirës të Mishel Platini në 1988 në Sevije. Ai më asistoi në golin që shënova. Pas kësaj kaluam një natë të paharrueshme me birra”, u shpreh si fillim gjermani.
Më pas ai shtoi: “Diego është një zot në Argjentinë, prandaj mendoj se ishte diçka e veçantë që t’ia jepja atyre fanellën. Nuk e kam menduar kurrë që të merrja para për këtë fanellë. Ishte kënaqësia më e madhe që t’ia jepja popullit argjentinas”.
Discussion about this post