Një turist amerikan u filmua duke u përleshur me një kangur agresiv në parkun Cohunu Koala të Australisë Perëndimore.
Gjithçka ndodhi kur kanguri iu vërsul një gruaje, dhe amerikani më pas i doli në ndihmë asaj.
Gruaja e cila po qëndronte në këtë park u sulmua nga kanguri dhe pavarësisht se u mundua të ikte, kafsha po e ndiqte pas.
Turisti amerikan që i doli në ndihmë u mundua fillimisht ta qetësonte kangurin por pa efekt, pasi sulmet pastaj iu drejtuan atij.
Kështu, ai po mundohej gjatë gjithë kohës ta mbante larg me duar dhe me këmbën e tij, madje në një pikë e kapi për fyti. Përleshjes iu bashkua edhe djali i tij, ku të dy po mundoheshin ta qetësonin kafshën.
Discussion about this post