“Dhimbje koke” për Carlo Ancelottin. Sulmuesi kryesor i skuadrës dhe njëkohësisht kapiteni i madrilenëve do të mungojë në dy ndeshje.
Karim Benzema ka pësuar një tërheqje muskulore në seancën stërvitore të së premtes përpara duelit Sevillas.
Fituesi i “Topi i Artë” 2022, i është nënshtruar mëngjesin e sotëm kontrolleve mjekësore.
“Pas testeve të bëra sot tek Karim Benzema është konstatuar lodhje muskulore në kuadricepsin e këmbës së majtë”, thuhet në raportin mjekësor të klubit spanjoll në lidhje me sulmuesin 34-vjeçar, i cili realizoi një nga golat në suksesin e fundit 0-3 në Elche.
Benzema humbet në këtë mënyrë sfidën e mbrëmjes së sotme dhe transfertën ndaj Leipzigut në Champions League, të martën e ardhshme. Carlo Ancelotti shpreson ta ketë të gatshëm goleadorin e skuadrës për takimin e 30 tetorit kundër Gironas në La Liga.
Discussion about this post