Vëllai i Madh ka gjithmonë surpriza. Ishte e papritur gjatë spektaklit të sotëm kur në shtëpi u rikthye një ish-banor.
Graciano Tagani, i cili u skualifikua nga loja disa javë më parë, u rikthye sot.
Ndërsa prezenca e tij u prit me një entuziazëm të madh nga Ilnisa, Meritoni, Jetmiri dhe Françeska, Juli dhe Romeo në mosbesim për rifutjen e balerinit në shtëpi kanë shkëmbyer batuta dhe kunja me të.
Juli: Mirëseerdhe për të tretën herë, tek e katërta ndoshta do fitosh…
Graciano: Juli, unë ndoqa këshillën tënde që më the po hyre për të tretën herë do fitosh. Ika dhe u ktheva. Tani fjala jote në vesh të Zotit.
Ledjoni: Siç e vutë re, nga butoni i kuq i tundimeve që deri më tani keni pësuar gjëra të mira dhe këqija nga ushqime tek dënime praktike, i fundit është banori më i ri. Graciano Tagani rikthehet me të drejta të plota në shtëpi. Kësaj radhe Graciano do të konsiderohet si një banor i ri pretendent për çmimin e madh. Gracianos i ndalohet të komunikoj çfardolloj mesazhi nga jashtë për ju dhe duke qenë se nuk do të doja që ta vendosnit në rrezik qëndrimin e tij në shtëpi t’ju thoja edhe ju që të mos e pyesnit.Ai e di vetë dhe është shumë i kujdeshëm. Nëse ndodh kjo gjë ai do të lërë shtëpinë në mënyrë të menjëhershme. Graciano gjithashtu do të ketë një javë imunitet. Nuk na u ndave o Graciano… Romeo si ndihesh?
Romeo: Po s’kishe ndonjë punë tjetër o vëlla?
Discussion about this post