Një ngjarje e “jashtëzakonshme” ka ndodhur ditën e sotme në ambientet e Partisë së Lirisë, Monika Kryemadhi është zgjedhur Sekretare Politike për Qarkun e Fierit.
E kush mund ta mendonte diçka të tillë, që Monika të merrte një post kaq të rëndësishëm në partinë e sapo themeluar.
Siç raportohet nga vetë partia, propozimi për emërimin e saj në këtë fuksion ka ardhur pikërisht nga kryetari i kësaj force madhështore politike, shtetasi Ilir Meta (Metaj).
Ajo që akoma nuk kemi arritur që të zbulojmë është se kush ja mbushi mendjen Metës për një lëvizje kaq të guximshme dhe heroike?!
Vendimet e mbledhjes së parë të Kryesisë së Partisë të Lirisë-3 nëntor 2022
Kryesia e Partisë së Lirisë e drejtuar nga Kryetari i partisë, z.Ilir Meta në mbledhjen e parë të saj mori sot disa vendime të rëndësishme.
Me propozim të kryetarit të Partisë së Lirisë, z.Meta kryesia miratoi sot:
Elona Guri, Sekretare Organizative e Partisë së Lirisë
Silva Caka, Sekretare për Marrëdhëniet me Publikun e Partisë së Lirisë
Endrit Braimllari, Sekretar Politik për Qarkun e Tiranës
Edmond Haxhinasto, Sekretar Politik për Qarkun e Elbasanit
Monika Kryemadhi, Sekretare Politike për Qarkun e Fierit.
Vendimet e Kryesisë së sapo zgjedhur të Partisë së Lirisë vijnë një ditë pas mbledhjes së Komitetit Drejtues Kombëtar, që zgjodhi me votim të fshehtë strukturat më të larta drejtuese të partisë./Ariglon Pali/
Discussion about this post