Nisja e “Love Story 2” po afron dhe ndërkohë që presim datën 15 nëntor, disa surpriza janë zbuluar! Të gjithë kanë kuriozitet se kush do jenë protagonistët e këtij sezoni. Cilët do të jenë ata që do të fiksojnë publikun para ekranit?
Një nga fronistët e “Love Story” do të jetë Kristi Aliaj. Ai është djali i Robert Aliajt, i cili ashtu si në sezonin e parë, do të jetë një nga opinionistët edhe këtë vit.
Kristi do të jetë në fron për të zgjedhur partneren mes shumë vajzave, por ajo që e bën akoma më interesante këtë fakt është prania e Robertit në program si opinionist, i cili do t’i duhet të gjykojë e vlerësojë të birin.
Të gjithë e dimë që Roberti nuk i kursen kurrë kritikat dhe e dimë që njësoj do të jetë edhe kur të ketë të birin përballë. Megjithatë kurioziteti për të parë sesi do ta gjykojë e vlerësojë të birin, mbetet i madh.
Ju kujtojmë se përveç Kristit, do të jetë edhe një vajzë në fron. Pak kohë më parë, gjatë një interviste për Klan News, autorja Ilda Lumani u shpreh “vajza që është zgjedhur ka spikatur që vitin e kaluar dhe e meriton plotësisht të jetë në atë karrige, pasi i plotëson të gjitha kushtet dhe do të bëjë diferencën me elegancën, bukurinë, nivelin dhe mënyrën se si do të sillet”.
Ndryshe nga viti i kaluar, programi do të vijë i shoqëruar me një emision ditor. “Love Story Talk” do të drejtohet nga Eni Shehu.
Discussion about this post