Humbja ndaj skuadrës së Partizanit me shifrat 2-1 solli largimin e trajnerit Edi Martini nga drejtimi i stolit të Teutës.
Martini njoftoi të premten në mbrëmje dorëheqjen nga stoli i ‘Djemve të Detit’, gjë e cila u konfirmua edhe nga klubi paraditen e kësaj të shtune.
Ndërsa u raportua se një nga emrat e mundshëm që mund ta zëvendësojë teknikun shkodran do të ishte kreu i stolit të Kombëtares U-19, Armando Cungu, së fundmi mësohet se një tjetër emër është potencial për këtë pozicion.
Mësohet se në klubin durrsak po diskutohet si mundësi emri i ish-lojtarit të tyre, që tashmë mban pozicionin e drejtorit sportive të Teutës, Renato Arapit.
Ish-qendërmbrojtësi e njeh mirë skuadrën e Durrësit dhe në një situatë të tillë ta papritur shihet si një nga emrat më të përshtatshëm për të drejtuar stolin.
Megjithatë do të pritet të paktën deri të hënën që nga klubi i Teutës të konfirmohet emri që do të drejtojë skuadrën në vijim./K.T/Gijotina.com
Discussion about this post