Këngëtarja legjendare Patti Smith, 78 vjeçe, u rrëzua në skenë gjatë një koncerti në Sao Paulo, Brazil, pas një trullosje që pati nga migrena. Ngjarja ndodhi rreth 30 minuta pas fillimit të performancës, ndërsa Smith po lexonte një tekst për ndryshimet klimatike. Ajo u shtri në skenë për disa minuta, duke kërkuar ndihmë, dhe u largua më pas me një karrige me rrota, sipas raporteve të DailyMail.
Përpara se të largohej, Smith kërkoi falje nga publiku, duke shpjeguar se mjeku i kishte thënë se nuk mund të vazhdonte. Ajo u përshëndet nga tifozët me duartrokitje dhe brohoritje. Sipas grupit Soundwalk Collective, me të cilin ajo po performonte, Patti Smith kishte vuajtur nga migrena për dy ditë, por ishte e vendosur të ngjitej në skenë.
Nuk është konfirmuar ende nëse koncerti i saj i planifikuar për natën tjetër do të zhvillohet, por mbështetje dhe mirëkuptim janë shprehur nga fansat dhe bashkëpunëtorët e saj.
Discussion about this post