18-vjeçarja nga Anglia, Emma Raducanu fitoi të dielën Grand Slam-in e US Open, duke u bërë e para teniste në moshën e saj që ia del të triumfojë. Ajo mundi në finale kanadezen, 19 vjeçe, me rezultatin 2-0 në New York.
Raducanu ishte e 150-a në botë nga tenistet, ndërsa ditën e sotme sipas klasifikimit të përgjithshëm do të jetë në vend të 23-të. Ndërsa nga kjo fitore ka marrë edhe 2.5 milionë dollarë shpërblim.
Pas fitores, anglezja ka thënë për ESPN se cila do jetë gjëja e parë që do bëjë me këto para: “Ekziston një shaka në ekipin tim sepse para ndeshjes humba AirPods tim dhe po vrapoja nëpër dhomën e zhveshjes tre minuta para përballjes sime për t’i gjetur, por i kisha humbur. Po mendoja me vete: ‘E di çfarë, nëse fitoj këtë ndeshje mund t’i blej vetes një palë AirPods.”
Ndërsa kur u pyet më pas se si do ndryshojë jeta e saj me këto para dhe famë, 18-vjeçarja u përgjigj: “Nuk kam menduar për asgjë nga këto, të them të drejtën. Pas ndeshjes, unë thjesht bëra dush, të njëjtat rutina si gjithmonë. Unë nuk e kam idenë se çfarë do të bëj nesër. Unë thjesht po përpiqem të përqafoj momentin.”/Gijotina.com
