Agjencia e transportit “Besa Trans” nuk ka reaguar ende lidhur me aksidentin tragjik me 46 viktima të shënuar mëngjesin e sotëm në Bullgari, ngjarje e cila ka tronditur gjithë opinionin publik. Aksidenti ndodhi si pasojë e djegies së një autobusi me targa të Maqedonisë së Veriut ku dyshohet se shumica janë shqiptarë, në pronësi të “Besa Trans”.
Familjarët e të aksidentuarve shprehen të revoltuar se nuk kanë informacion për të afërmit e tyre që kanë udhëtuar me agjencinë “Besa Trans” në Turqi.
“Ishte ora 6 e mëngjesit, isha duke shkua në punë, e pash lajmin në Facebook, menjëherë më shkoi mendja tek kushëriri imë dhe filluam të interesohemi. Kërkuam numrat e “Besa Trans”, por nuk paraqiten në telefon. Nuk kemi informata as nga institucionet, as nga Ministria e Jashtme. Nuk kemi informacione për momentin. Me familjarin kontaktin e parë e kam para dy ditësh para se ai të nisej për udhëtim”, është shprehur Xhelal Bakiu i cili kërkon kushuririn e tij Enes Bakiu.
Sipas tij deri më tani asnjë nuk jep sqarime në lidhje me këtë ngjarje të rëndë.
Discussion about this post