E pazakontë/ 68-vjeçari përndiqte çiftin në Delvinë, arrestohet

Një 68 vjeçar nga Delvina është vënë në prangat e policisë së Vlorës pasi akuzohet se ka përndjekur një çift bashkëshortësh.

Sipas policisë mësohet se shtetasi me iniciale V.H. ka përndjekur në mënyrë të vazhdueshme, shtetasit K. M. dhe Zh. M. (bashkëshortë), me qëllim që të largoheshin nga banesa e tyre, në Delvinë.

“Specialistët për Hetimin e Krimeve të Komisariatit të Policisë Delvinë arrestuan në flagrancë shtetasin V. H., 68 vjeç, banues në Delvinë, pasi dyshohet se ka përndjekur në mënyrë të vazhdueshme, shtetasit K. M. dhe Zh. M. (bashkëshortë), me qëllim që të largoheshin nga banesa e tyre, në Delvinë”, thuhet në njoftimin e policisë.