Një ngjarje e pazakontë është shënuar mëngjesin e kësaj të enjte në Sarandë. Mësohet se gjithçka ka nisur nga një telefonatë drejtuar stafit të bashkisë së këtij qyteti.
Bëhet me dije se një telefonues ka raportuar se në zonën e Fushës së Patates kishte parë një ari.
Menjëherë policët bashkiakë dhe stafi i bashkisë ka organizuar operacionin për neutralizimin e ariut.
Por pasi kanë mbërritur në zonën e Fushës së Patates, punonjësit e Bashkisë Sarandë kanë vënë re se nuk kishin të bënin me një ari, por me një majmun.
Punonjësit e bashkisë janë afruar duke e rrethuar majmunin me qëllim për të kapur, por janë përballur me një situatë të pakëndshme, pasi majmuni u ka gjuajtur me shpulla punonjësit e bashkisë, disa prej të cilëve kanë marrë edhe gërvishtje në fytyrë.
Discussion about this post