Teksa dhjetëra qenë e kafshë të braktisura i shohim të vrarë nëpër rrugët e qytetit të Durrësit dhe jo vetëm, Policia nis hetimet për një rast të tillë.
Përmes një njoftimi zyrtar, blutë e Durrësit bëjnë me dije se janë njoftuar për vrasjen e një katërputroshi dhe se do të bëjnë të mundur zbardhjen e rrethanave të ngjarjes së rëndë.
Gjithashtu bëhet me dije se po punohet për të gjetur autorin e vrasjes së qenit. Njoftimi i Policisë së Durrësit është fshirë nga faqja zyrtare. Nuk dihet ende nëse qeni është vrarë pasi është përplasur nga ndonjë makinë, dhunuar nga njerëzit apo në një tjetër mënyrë.
Sakaq, ngelet enigmë edhe “pendesa” e policisë që fshiu postimin nga facebook.
