Prej disa ditësh, opinionisti i përhershëm që prej sezonit të parë të “Përputhen daily”, Arjan Konomi nuk është parë më në karrigen e tij, nga ku ka dhënë opinionet lidhur me marrëdhëniet e romancat e lindura në emision. Ndonëse ka qenë Arjon Muça, ai i cili e ka zëvendësuar prej disa ditësh, vetë Arjani apo emisioni nuk janë prononcuar për të dhënë një informacion lidhur me mungesën e këtij të fundit në emision.
Megjithatë vetëm 2 orë më parë, Arjani ka reaguar me një video të shkëputur nga “Top Shwë Magazine” në vitin 2017 gjatë së cilës asokohe ka pohuar se ka pasur nevojë të largohet nga kotësia e ekranit. Pohomi i opinionistit mendohet të jetë një përgjigje për largimin e momentit nga “Përputhen”, që nuk dihet nëse do të jetë definitiv.
“Para disa vitesh në Top Show Magazine. Mungon sot një format i tillë si i Alban Dudushit që të shlodhte dhe të kënaqte në mbrëmje”, ka shkruar Konomi, i cili duke iu referuar programit “talk show” të disa viteve më parë, ka treguar formatin dhe formën e televizionit që do donte të shihte apo dëgjonte. “Kisha nevojë të shkëputesha nga ajo hipokrizia, kotësia, shkëlqimi fals, falsitet i tërë”, thotë ndër të tjera në videon e shkëputur të para disa viteve që Arjani ka vendosur ta publikojë pikërisht sot.
Të jetë kjo një përgjigje për “Përputhen”? Apo ndonjë tjetër “ngacmim” për kritikët e televizionit? Këtë nuk e dimë, pro kaq rastësi nuk mund të jetë rikthimi i kësaj video në këtë situatë.
Discussion about this post