Gjykata e Vlorës ka vendosur të dielën detyrim paraqitje për Ergys Likaj i cili mbeti i plagosur pas një konflikti me 18-vjeçarin Ersiljo Mataj. Mësohet se seanca është drejtuar nga gjyqtarja Mirela Mishgjoni.
Ndërkohë autori i plagosjes, 18-vjeçari Ersiljo Mataj është shpallur në kërkim.
Kujtojmë se ngjarja ka ndodhur në lagjen “Uji i Ftohtë” në Vlorë. 39-vjeçari pas konfliktit është paraqitur në spitalin e Vlorës i plagosur me armë zjarri dhe më pas u arrestua nga policia për shkak se bëri deklarim të rremë duke thënë se është vetëplagosur aksidentalisht.
