Një turiste franceze ka mbetur e lënduar, nga një aksident i shënuar mbrëmjen e djeshme në rrugën Sarandë-Ksamil, ku automjeti me të cilin lëvizte turistja, ende e pa identifikuar, u përmbys në rrugë.
Ajo u dërgua menjëherë në spital ku ndodhet jashtë rrezikut për jetën, ndërkohë ende nuk dihen shkaqet e aksidentit.
Një tjetër aksident është regjistruar mëngjesin e sotëm në kryqëzimin e rrugës së Elbasanit. Dy makina janë përplasur me njëra tjetrën duke shkaktuar një dëme të mëdha materiale. Deri më tani nuk ka informacione për të lënduar. Ndërsa si pasojë e aksidentit të ndodhur, janë shkaktuar radhë të gjata trafiku.
Policia ka mbërritur në vendngjarje për të bërë të mundur zbardhjen e ngjarjes dhe menaxhimin e trafikut.
