Autori grek i vrasjes së një 58-vjeçari shqiptar një vit më parë ka dëshmuar para policisë. Shqiptari u vra nga pronari grek në Kariani, Kavala i cili e kishte punësuar për të krasitur ullinjtë.
Mediat greke bëjnë me dije se ai e çoi në një fushë dhe pasi e vuri të punojë e qëlloi me gjakftohtësi me armë zjarri në kokë.
Rasti i autorit grek 40-vjeçar konsiderohet tejet i rrezikshëm pasi ai pohoi në rrëfimin e tij se e kishin detyruar që ta vriste shqiptarin. Për hetuesit e çështjes ai tha: Satani më tha që ta bëj!
Autori, sipas raportit mjeko-ligjor, ka probleme serioze psikologjike.
Autoritetet arritën të arrijnë gjurmët e 40-vjeçarit nga identifikimi balistik me një plumb nga një incident i ngjashëm në Selanik, ku edhe në këtë rast, autori i çështjes në Kavala pretendoi se ai kishte vepruar me kërkesë të Satanit.
