‘E pyeta a duhet t’i heq këpucët’, Mbappe zbulon takimin e parë me Zidane-n

Kylian Mbappe është një nga emrat më të diskutuar të momentit dhe shihet si e ardhmja e futbollit.

Së fundmi talenti i Paris Saint-Germain ka prezantuar librin e tij vizatimor në Paris, ndërsa rikujtoi një episod nga e shkuara e tij.

Mbappe foli për ditët që kaloi në Madrid, po ashtu edhe për kohën me Zinedine Zidane, për të cilin ka një admirim të madh.

“Unë isha 14 vjeç kur Zidane më ftoi në Madrid. Për një fëmijë të asaj moshe, është një ëndërr, diçka fantastike. Zidane ishte dhe vazhdon të jetë idhulli i një rinie të tërë, i një vendi të tërë. Kur ai të vlerëson kështu, në moshën 14-vjeçare, kur je askushi, përjeton momentet më të bukura të jetës tënde. Ishte unike. E mbaj mend akoma, për të treguar se sa mbresëlënëse ishte”, -tha ai për ‘Le Parisien’.

Ndërsa më tej rrëfeu një episod të veçantë kur trajneri e ftoi në makinën e tij, teksa theksoi se nuk do të zbulonte më shumë.

“Kur Zidane më ftoi në veturën e tij, nuk isha i sigurt se si të shprehesha, kisha frikë. Në një moment i thash nëse duhet të hiqja këpucët brenda veturës. S’dua të tregoj më shumë sepse më pas nuk do të lexojnë librin tim”-shtoi ai./K.T/Gijotina.com