Opinion i publik në Greqi është shokuar përsëri nga një vrasje tjetër e një gruaje nga bashkëshorti i saj. Vrasja e 14 e një gruaje brenda këtij viti ka ndodhur ne qytetin e Selanikut ne lagjen Polihni. Çifti në fjalë me prejardhje nga Armenia kishin edhe një djalë 20 vjeç. Bashkëshorti 49 vjeç është dorëzuar mbrëmjen e së dielës në polici duke pranuar krimin.
Kur kanë shkuar në vendin e ngjarjes hetuesit kanë gjetur viktimën 48 vjeç në shtrat me dy plagë në gjoks të shkaktuara nga goditjet me thikë, ndërsa është gjetur edhe vetë mjeti i krimit.
Sipas dëshmive të para nga fqinjët, vrasësi kishte probleme psikologjike, ndërsa në deklaratën e parë në polici ka thënë se e vrau të shoqen pasi e tradhtonte. Ende nuk behën të ditura shkaqet e këtij krimi, që ka shkaktuar një tjetër viktimë dhune në Greqi, fenomen që ka marrë përmasa shqetësuese në vend
Discussion about this post