Trajneri i Atalantës, Gian Piero Gasperini i është përgjigjur akuzave të Papu Gomez pas komenteve të sulmuesit për largimin e tij nga Bergamo.
“Sulmi fizik erdhi nga ai, jo nga unë. Arsyeja e vërtetë që ai u largua ishte sepse ai nuk respektonte pronarët e klubit ”.-ka thënë Gasperini.
Argjentinasi pretendoi se trajneri i Atalantës u përpoq ta sulmonte fizikisht në dhomën e zhveshjes pasi ai nuk iu bind urdhrave në fushë në një ndeshje kundër Midtjylland në Champions League.
Ish-kapiteni i tregoi ‘La Nacione’ për largimin e tij nga italianët dhe rrëfeu se si sillej trajneri dhe klubi ndaj tij.
Ndërsa Gasperini iu përgjigj akuzave në fjalë në një prononcim për ‘La Gazzetta dello Sport’, duke pretenduar se kishte ndodhur e kundërta.
“Sjellja dhe qëndrimi i Gomez, brenda dhe jashtë fushës, ishin bërë të papranueshme për trajnerin dhe shokët e tij të skuadrës. Sulmi fizik erdhi nga ai, jo nga unë, por arsyeja e vërtetë që ai u largua nga Bergamo është sepse ai nuk respektoi seriozisht pronarët e klubit. Shpresoj që Gomez të vazhdojë të flitet për sjelljet e tij, siç bëri në Atalanta.”-tha ndër të tjera tekniku./Gijotina.com
